Circumstances

Basang basa na ang unan sa mga bangungot mo

Mag-isang
Nakahiga.

Lumuluha.

Ipipikit
Ang mga mata,
Pipiliting
Makatulog

Nang mahimbing,
Nang nagpapanggap

Na ika’y nasa aking tabi
At hagkan ako.

Pipiliting
Damhin ang init
Ng iyong bisig,
Ng iyong pagpulupot,
Ng iyong pagtaklob

Sa aking hindi mahinahong damdamin.

Maghihintay na lamang,
Aasa

Na ngayon naman
Sa aking pagtulog
Ay magkaroon ng magandang panaginip.